首页 > 分享 > 《璀璨之城》延至11...

《璀璨之城》延至11...

萌宠菠菠乐园
2025-12-13 20:09

《璀璨之城》延至11月开拍吳卓羲：希望个剧本可以做得尽善尽美
.
吳卓羲（Ron）今日出席活動并接受采访。谈到近日出現賣牛雜的山寨版吳卓羲，Ron坦言有看到後也覺得相似，亦以為是AI，也希望對方好生意。

- 记者：你有无印象㗎？
- Ron：有个人，我初初睇到都以为系AI嚟㗎，我都睇紧。
- 记者：系啊，我都觉得有啲似。
- Ron：系咯。我屋企人，我啲阿姨仲问我“呢个人系咪你嚟㗎”，咁样咯。
- 记者：人有相似啫。
- Ron：系咯系咯。希望佢好生意啦，亦都唔好打扰到佢平时嘅生活，因为我自己都觉得佢几似我㗎。侧边睇啊，佢戴咗口罩就有啲似吓。不过我自己觉得呢种情况都算比较少㗎，因为平时有好多朋友，仲有啲艺人，或者喺街边撞到嘅人，会话“我个仔其实好似你㗎”，但系俾我自己睇，我就觉得唔似嘅，系咯。

- 记者：系咪因为佢个发型同五官侧边睇似，所以有人会想去帮衬佢？
- Ron：唔系，但系识我嘅人都知道我唔食牛㗎，我又点会卖牛杂咧，系咪咁讲。

- 记者：咁你近期工作点啊？
- Ron：我拍紧嘅剧，因为剧本可能要少少修改，先至可以再开镜。我哋11月头先决定咗会再开翻啦。希望个剧本可以做得尽善尽美，出到嚟会更加好睇啲。有啲细节上可能要调节，所以先推到11月。既然推咗，我自己就会搵啲其他工作，比如开下音乐会，10月就有第三场啦，仲会出下event、做下活动。另外，我自己都想研究下做一啲宠物食品，因为我有一只宠物叫猪皮。希望可以出啲健康嘅宠物食品，自己做下生意，同时用呢啲产品帮下猫狗场做慈善，比如sponsor佢哋。其实我一路都有做紧呢类慈善嘢㗎，用自己个人名义。而家仲系构思阶段，不过一路都喺网上面研究紧啲产品，谂下点样先可以整到健康啲俾宠物食。毕竟宠物唔识讲嘢，人要谂清楚个产品健康先至可以俾佢哋食嘛。

- 记者：你而家仲有养其他宠物咩？
- Ron：有啊，我有十几只猫，仲有四只大型犬，都喺香港。唔好理数量啦，总之啲猫有啲系领养㗎，有啲系我行山嗰阵喺山旮旯执翻嚟㗎。我都希望大家可以用领养代替买卖。

- 记者：你开show前会再练下歌咩？之前两场音乐会感觉点啊？
- Ron：第二场都OK㗎，几好。反而第一场因为rehearsal得太多，当日仲失咗声添。其实我一路都有揾老师学唱歌，一路都有补习㗎，始终音乐会都要唱歌嘅嘛，之后都会越做越好嘅。

- 记者：你而家系咪全力发展拍戏啊？听Bosco话你好尊重歌手呢个身份㖞，佢自己就拍晒啲戏。
- Ron：都有拍戏嘅。林峰佢又开演唱会，Bosco又拍晒啲戏，我都要揾啲嘢生活下㗎嘛。Bosco一路都有做生意，林峰都有，我都试下啫，而家先谂呢个计划，因为之前我做过嘅嘢比佢哋多。宜家电视上面成日见到Bosco拍戏，讲笑咋。大家都有自己嘅生意同娱乐事业，我觉得几好，大家都开心。毕竟识咗咁多年，唔好搞啲唔好嘅，合作就最好啦。可能林峰唔在乎蚀钱，但系我哋唔得㗎，如果我蚀咗钱俾佢，佢又唔俾翻我，我会嬲㗎嘛。所以我觉得大家做朋友，或者一齐做啲小生意合作会好啲。

- 记者：你之前生日点过㗎？
- Ron：同啲小学同学喺屋企过咯。我同啲小学同学仲keep住联系，都三十几年啦，全部都系男仔。有个男同学专登负责维系我哋嘅感情，所以礼拜六日撞正生日前，就喺我屋企开咗个party。正日就同屋企人过，同阿妈、家姐、外甥女佢哋。其实我自己唔系好钟意搞生日，本身我都四十几啦，七九年出世㗎。我唔怕讲年纪㗎，你都问咗我十年啦。

- 记者：你而家生活系咪好多嘢要兼顾啊？
- Ron：系啊，屋企有好多嘢要照顾，阿妈要照顾，宠物又要照顾。缘分呢样嘢都好奇妙，有时都系冇人要嘅宠物，就咁收留咗。我之前都唔多出街，又点会识到女仔朋友先？我啲朋友又全部系男仔，佢哋又唔会介绍女仔俾我，真系好自私㗎。出嚟玩嘅都系识咗十几廿年嘅老朋友，好少识到新朋友。

- 记者：之前你分手嘅事……
- Ron：唔好讲呢啲啦，我哋今日讲翻信托基金呢样嘢先，OK？

- 记者：你有冇留意近期啲热点啊？
- Ron：冇留意啊，因为成日留意紧自己生意上嘅嘢，希望可以做好啲，仲要练歌准备音乐会，边有咁多时间。

- 记者：但系大家都好关心你分手嗰件事㗎。
- Ron：冇咩好讲噶啦，呢啲唔使讲。人哋嘅私人事情都唔好过多评论，我都唔知发生咗咩事，真系冇睇呢啲新闻，净系睇返自己嘅嘢，比如之前嗰个卖牛杂、同我有啲似嘅人。唔好再拱呢啲话题啦，佢都有排要应对呢啲言论。
TVB超话杨哥看港剧的微博视频